top of page

Алыкул Осмонов "Өмүргө"

  • janyryk
  • 24 окт. 2020 г.
  • 1 мин. чтения

Бактылуу өмүр жок, бактылуу күндөр гана болот.

Андре ТЕРЬЕ.

Өмур- бул өткөн күндөр эмес, эсте калган күндөр.

ӨМҮРГӨ

Шамал айдап көлдүн киргил көбүгүн, Кашка суудай мөлт дей түшкөн өмүрүм, Жыл айланып, өткөн сайын жаштык күн Улам сулуу, улам ысык көрүндүң.


Мива бактай жемишимен күбүлбөй Өстүм дуулап, эртеңкимен түңүлбөй, Ай балалык, асыл нерсе экен го Учкан куунун канатынын күчүндөй.


Кеттим алыс, кеңдигимен кемибей, Кери тарткан кербестикке жеңилбей, Ай балалык, жыргал нерсе экен го Карлыгачтын канатынын желиндей.


Жарым саат, кабак чытып кайгырбай, Арамдыкка абийиримди алдырбай, Өмүр деген - сергек нерсе экен го Жаздын күнү тып-тып тамган жамгырдай.


Күлдүм ачык, бир да жерди карабай, Досторума кылдай кастык санабай, Өмүр деген - дайым жапжаш нерсе экен Улам жаңы жаратылган баладай.


Билсин бизди, жаш муундар мактасын, Эскиртпесин эстеринде сактасын, Алдыбызда өмүр турат түгөнгүс Артыбызда өлбөй турган эл калсын.


20/XI 1946, Чолпон-Ата.

Comentarios


Los comentarios se han desactivado.
Подпишитесь на рассылку

Маалымат жиберилди. Рахмат!

  • White Facebook Icon
  • White Twitter Icon
bottom of page